Qozog‘iston telekommunikatsiya xizmatlarini taqdim etish uchun “KazSat-2R” kosmik aloqa tizimidan foydalanishni rejalashtirmoqda. Bu haqda Qozog‘istonning mudofaa va aerokosmik sanoat vazirligiga tayanib, Spot xabar qildi.
Yangi telekommunikatsiya yo‘ldoshi “KazSat-2” kosmik apparatini rejali almashtirish uchun yaratilmoqda, uning faol mavjud bo‘lishi 2023-yil noyabrda tugaydi.
Loyiha ustida 2016-yildan buyon ishlanmoqda, hozirgi vaqtda mutaxassislar kosmik aloqa tizimini yaratish va ishga tushirish uchun moliyaviy-iqtisodiy asoslash va texnik topshiriqlarni tayyorlamoqda.
“‘KazSat-2R’ kosmik qurilmasining manbalari qayd qilingan yo‘ldosh aloqa kanallarini tashkil etish uchun ishlatiladi. Bu — har yerda mavjud bo‘ladigan keng polosali ulanishni, shu jumladan, mamlakatning chekka qishloq aholi punktlarini, shuningdek, chegaradosh davlatlar — Tojikiston, O‘zbekiston, Qirg‘izistonning oxirgi foydalanuvchilariga (davlat organlari, huquqni muhofaza qilish idoralari, korporativ va xususiy sektor) telekommunikatsiya xizmatlarini taqdim etish imkonini beradi”, —deyiladi xabarda.
Hozirgi vaqtda “KazSat-2” va “KazSat-3” kosmik apparatlari muvaffaqiyatli ishlamoqda, ularning resurslaridan 15 ta sun’iy yo‘ldosh operatorlari foydalanmoqda. Qozog‘iston bo‘ylab 11 mingdan ortiq sun’iy yo‘ldosh aloqa stantsiyalari mavjud.
Izoh (0)