Танзаниянинг Серенгети боғида битта тимсоҳ 30 та бегемотга ҳужум қилди, дейилади National Geographic хабарида.
Воқеа гувоҳи интернетга жойлаган видеоролигини изоҳлар экан, унинг кўз ўнгида ишониб бўлмайдиган манзара юзага келганини айтди.
«Тимсоҳ қандайдир қилиб бегемотларга тўла кўлнинг ўртасигача келиб олди. Албатта, сон жиҳатидан устунлик у томонда эмасди — уни тишлаб ташлашди ва у томондан бу томонга ирғитишди, аммо пировардида у қочиб қолди», — деб ёзди видео муаллифи.
Таъкидланишича, табиатда катта бегемотнинг душманлари кам. Фақат шер ёки Нил тимсоҳи хавф солиши мумкин, аммо улкан ҳажми, катта кучи ва узун қозиқтишлари туфайли, унга бир нечта шер ҳам бас келолмаслиги мумкин.
Изоҳ (0)