Австралия миллий университети астрономлари гуруҳи Сомон йўлига яқин жойлашган галактиканинг секинлик билан ўлаётганини кузатмоқда. Яқинда мазкур кичик галактикадан катта миқдорда водороднинг ажралиб чиққани қайд этилган. Бу юлдуз ҳосил бўлиш жараёнининг тўхтаётганидан далолат беради, деб ёзмоқда «Корреспондент.net».
Мазкур кичик галактика Ердан 200 минг ёруғлик йили узоқликда жойлашган. Унинг диаметри етти минг ёруғлик йилини ташкил қилиб, Сомон йўлидан ўн марта кичик ҳисобланади.
Ажралиб чиқиши яқинда қайд этилган водород юлдуз ҳосил бўлиши учун асосий таркибий қисм саналади.
Бу жараёнлар марказий қисмда юз бермоқда ва у ерда ҳали ҳам янги юлдузлар пайдо бўлмоқда. Чиқиб кетган газнинг вазни 10 миллион Қуёш вазнига тенг эканлиги айтилмоқда.
Изоҳ (0)