Халқаро радиоастрономик тадқиқотлар маркази фазодан тушунтириб бўлмайдиган сигнал қабул қилди. Бу ҳақда «Корреспондент.net» хабар берди.
Қабул қилинган сигнал Сомон йўли тубидан келган ва қисман Ойга урилган. Уни ерусти станциялари ҳам қайд этган. Олимларнинг қабул қилинган сигнал бўйича фикрлари турлича бўлмоқда.
Баъзиларининг фикрича, бу — Катта портлашнинг «акс садоси» ҳисобланадиган космик нурланиш. Бошқа мутахассислар эса сигнал сунъий равишда ҳосил қилинган деб ҳисобламоқда.
Айни пайтда астрономлар қабул қилинган сигналнинг табиатини ва унинг манбасини аниқлашга уринмоқда.