New Horizons зонди жамоаси Плутон орбитасида орбитал платформа яратиш бўйича дастлабки режаларини тақдим этди. Платформа мукаммал «гравитацион» двигатель туфайли бир вақтнинг ўзида сайёранинг барча йўлдошларини ўрганади. Бу ҳақда «РИА Новости» хабар берди.
New Horizons миссияси раҳбарининг айтишича, Плутон ва унинг йўлдошларини бир вақтнинг ўзида тадқиқ қилишга қарор қилинган.
2015 йилнинг июль ойида мазкур зонд Плутон тизимига етиб борган ҳамда кичик сайёрадан 13 минг километр масофада учиб ўтиб, унинг юзаси ва йўлдошларининг батафсил суратларини олган. Бу тасвирларда одамзот илк марта Плутоннинг машҳур «юраги»ни, йўлдош текислигини, шунингдек, ўзига хос муз дарёлари ва вулқонларнинг изларини кўрди
Бу тасвирлар ва маълумотлар инсониятнинг Плутон ҳақидаги тасаввурларини бутунлай ўзгартириб юборди. Сайёра юзаси доимий ўзгариб турадиган жуда мураккаб ва «тирик» дунё бўлиб чиқди.
2017 йилда жамоа миссиянинг оралиқ натижаларини сарҳисоб қилиб, сайёрага яна битта зонди юбориш ҳақида ўйлаб қолган. Бу сафар зонд унинг атрофидан шунчаки учиб ўтиши эмас, балки уни барқарор орбитадан ўрганиши керак бўлади. Миссия раҳбарининг сўзларига кўра, NASA зонд эмас, балки Марсда юрувчи Curiosity’га ўхшаш аппарат жўнаца, бу ўта мақбул қарор бўлади.
Изоҳ (0)