Boeing компанияси вакиллари ва АҚШ расмийлари Boeing 737 самолёти авиаҳалокати суриштирувига қўшилиш учун Индонезияга етиб келади. Бу ҳақда 31 октябрь куни Jakarta Post газетаси хабар берди, деб ёзади «Интерфакс».
«Boeing’дан техник ва муҳандис етиб келади, улар суриштирувда вакиллар сифатида аккредитациядан ўтказилади», — деди Хавфсизлик ва транспорт бўйича миллий комиссия вакили.
Унинг сўзларига қараганда, Қўшма Штатлар мамлакат Транспорт хавфсизлиги бўйича миллий кенгаш ходимларини тақдим этади.
Мутахассислар Индонезияга 31 октябрь, чоршанба куни етиб келиши кутилмоқда.
Тергов гуруҳига ўн нафар америкалик киради. Уларнинг барчаси авиаҳалокат вазияти юзасидан суриштирув олиб бораётган сингапурлик мутахассислар ва Индонезия жамоасига қўшилади.
Изоҳ (0)