Индонезиянинг 29 октябрда ҳалокатга учраган Lion Air авиакомпанияси самолётига чипта олган эркак аэропортга боришда йўл тиқинига дуч келиб, ўлимдан омон қолди. Бу ҳақда The Mirror хабар бермоқда.
Кеч қолган йўловчи Индонезия молия вазирлиги ҳодими Сони Сетьяван бўлиб чиқди. У рейсига кеч қолиб, бошқа авиакомпаниянинг кейинги рейсига чипта олади ва ҳалокат ҳақида қўнганидан сўнг хабар топади.
«Дўстларим билан доим ЖТ-610 рейсида учардик. Бу гал пуллик йўлдаги ҳаракатланиш нега шунчалик ёмон бўлганини билмайман. Одатда Жакартага тунги соат 3 да келар эдим, бироқ ўша куни эрталабки 06:20 га етиб бориб, самолётга улгурмадим. Ҳалокат ҳақида эшитиб, йиғлаб юбордим, бортда дўстларим бор эди», — дейди Сетьяван.
Изоҳ (0)