Бельгиянинг Шарлеруа шаҳри атрофида жиноятчилар гуруҳи дўкон эгасининг муассасани кечроқ ўмариш ҳақидаги »тавсиясига» икки марта амал қилди ва учинчи уринишда қўлга тушди. Бу ҳақда «Корреспондент.net» хабар берди.
Таъкидланишича, олти киши электрон сигареталар дўконини талашга ҳаракат қилган, бироқ дўкон эгаси улардан куннинг охирида келишни сўраган ва ўша пайтда кассада кўпроқ пул бўлишини айтган. Эркакнинг сўзларига кўра, жиноятчиларни ишонтириш учун тахминан 14 дақиқа кетган, улар дўкон эгасининг сўзларига қулоқ солган.
Шундан сўнг жиноятчилар кетган, дўкон эгаси полицияга қўнғироқ қилган. Полиция талончиларнинг қайтиб келишига ишонмаган ва воқеа жойига келмаган. Дўкон ёпилишидан бир соат олдин жиноий гуруҳ яна пайдо бўлган. Дўкон эгаси бу сафар муассасани у ёпилганидан кейин талашни сўраган. Жиноятчилар яна унинг гапига кирган. Учинчи уринишда эса уларни полиция кутиб олган.
Беш киши қўлга олинган, бир киши яширинишга муваффақ бўлган.
Изоҳ (0)