Рим папаси Франциск популист сиёсатчиларни Учинчи рейх етакчиси Адольф Гитлер билан таққослади ва Европа мамлакатларини қочоқларни қабул қилишга чақирди. Бу ҳақда The Daily Mail хабар берди.
Рим папаси Ватиканда авлодлар алоқаси ҳақидаги китоб тақдимотига ташриф буюрди ва нутқ сўзлади. У ўз нутиқда популизмни ва муҳожирларга қарши кайфиятни қоралади. Унинг сўзларига кўра, ёш авлод қилинган хатоларни такрорламаслиги учун уларга жаҳон урушлари тарихи ҳақида сўзлаб бериш жуда муҳим ҳисобланади.
Рим папаси мисол сифатида Адольф Гитлерни келтириб ўтди. Унинг сўзларига кўра, инқирозлар қўрқув ва таҳликани келтириб чиқаради. «Европа популизмининг энг яққол мисоли — бу 1933 йилдаги Германия. Немислар Гитлер учун овоз берди. Гитлер ҳокимиятни эгаллаб олмади, унинг халқи у учун овоз берди, кейин эса у ўз халқини қўрқувга солди», — деб таъкидлаган католик черкови раҳбари.
Изоҳ (0)