Нидерландия пойтахти Амстердам шаҳрининг ўзига хос ташриф қоғозига айланган оқ-қизил рангли I Амстердам ёзуви тез орада йўқ бўлиши мумкин. Шаҳар меҳмонларининг суратга тушиш учун севимли жойига айланган инсталляцияни «оммавий туризм» рамзи сифатида демонтаж қилиш талаб қилинмоқда. Бу ҳақда «РИА Новости» хабар берди.
ГроэнЛинкс коалиция партияси бошқа сиёсий партиялар кўмагида Амстердам шаҳар кенгашига 2004 йилда Музей майдонида, шунингдек, Схипхол аэропортига ўрнатилган оммабоп инсталляцияни олиб ташлаш ва шаҳарнинг бу шиор остидаги ҳар қандай маркетингини тўхтатиш талаби билан мурожаат қилган. Сиёсатчиларнинг фикрига кўра, оммавий туризмдан бўғилаётган шаҳар ортиқ рекламага муҳтож эмас.
Туризм ва конгресслар бўйича Нидерландия кенгашининг сўнгги тадқиқотига кўра, мамлакатга сайёҳларнинг келиши кутилганидан кўра тезроқ ўсмоқда. Яқин йилларда Нидерландияга келадиган сайёҳлар сони 50 фоизга ўсиб, 2017 йилдаги 40 миллион кишидан 2030 йилда 60 миллион кишига етади.
АБН Амро банкининг тадқиқоти маълумотларига кўра, жорий йилда Амстердамнинг ҳар бир аҳолисига ўн нафар сайёҳ тўғри келади.
Изоҳ (0)