Ўзбекистонда лойиҳа қиймати 160 миллион АҚШ долларидан зиёд бўлган янги цемент заводининг қурилишига тамал тоши қўйилди, деб хабар беради Turon 24.
Корхона ишга тушгач, ишлаб чиқариш ҳажми ва технологияси жиҳатидан Марказий Осиёда ягона саноат объекти бўлади. Завод қурилиши учун «Ангрен» кичик саноат ҳудудининг Оҳангарон блокидан 10 гектар ер майдони ажратилган.
«Ўзқурилишматериаллари» акциядорлик компанияси бошқаруви раиси Ботир Зариповнинг Turon24’га маълум қилишича, завод 2020 йилда тўла қуриб битказилади ва маҳсулот сотишни бошлайди.
Завод юз фоиз хориж капитали асосида қурилади. Лойиҳа таъсисчиси Хитойнинг «Пекин триумф» инжинеринг компанияси ҳисобланади.
Янги завод ишга тушгач, 250дан ортиқ ишчи ўрни яратилади.
Маълумот учун, Оҳангарон шаҳрида айни пайтда Россиянинг «Евротцемент» холдинги таъсисчилигидаги «Оҳангаронцемент» акциядорлик компанияси ишлаб турибди.
Изоҳ (0)