Фарғона шаҳри ва туманига янги ҳокимлар тайинланди. Бу ҳақда «Дарё» мухбири Азизжон Эрматов хабар бермоқда. Фарғона шаҳрига Равшан Раҳимжонов вақтинчалик янги раҳбар этиб тайинланган. У шу вақтгача коммунал хизмат кўрсатиш соҳасида фаолият кўрсатган.
Фарғона туманига эса Илҳом Носиров ҳоким вазифасини бажарувчи этиб тайинланган. У 2017 йилнинг мартидан шу кунгача Фарғона вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари сифатида ишлаган.
Фарғона тумани ҳокими Содиқжон Қодирович Имомалиевнинг ишдан олиниши қишлоқ хўжалиги ишларига сусткашлик билан ёндашгани, айрим ер майдонларининг ноқонуний ажратилиши ҳолатларининг мавжудлиги каби сабаблар билан боғланган.
Фарғона шаҳри ҳокими Шавкат Шокирович Эркабоев эса шаҳарни ижтимоий-иқтисодий ривожлантириш борасида жиддий камчиликларга йўл қўйгани учун лавозимидан озод этилгани маълум қилинган эди.
Изоҳ (0)