Россия Ижтимоий суғурта жамғармаси Керчдаги техникумда юз берган портлашда ҳалок бўлганларнинг оилаларига бир миллион рублдан тўлаб беради, жабрланганлар эса жамғарма ҳисобидан реабилитациядан ўтади. Бу ҳақда жамғарманинг ҳудудий бўлими бошқарувчисининг ўринбосари Сергей Бугаевга таяниб, «Корреспондент.net» хабар берди.
Бугаевнинг сўзларига кўра, техникум ходимининг ҳалок бўлгани қайд этилса, унинг оиласига бир миллион рубль тўланади. Айни пайтда жамғарманинг ҳудудий бўлими ходимлари жабрланганлар сонини аниқламоқда.
Жамғарма бўлими директори ва ходимлари касалхоналарда ишламоқда ва неча киши жабрланганини аниқламоқда. Жабрланганларнинг реабилитация харажатлари ҳам жамғарма томонидан тўланади.
Аввалроқ Керчь шаҳридаги техникумда юз берган портлашда ҳалок бўлганлар сони 19 кишига етгани ҳақида хабар берилган эди.
Изоҳ (0)