Қримнинг Керч шаҳри технология техникумидаги портлашда ярадор бўлганларни ташиш учун тиббий ёрдам машиналари етмаяпти. Бу ҳақда «Kerch.FM» портали маълум қилди.
Транспортировка учун жамоат транспорти жалб этилди, ҳодиса жойига ҳарбий машиналар ва авария-газ хизмати етиб келди.
Гувоҳлар жабрланганлар жуда кўплиги, уларни олиб кетаётган машиналарнинг кети узилмаётганини таъкидламоқда.
Техникумдаги портлаш 17-октябр кундузи содир бўлди. Бинода газ баллони портлагани билдирилмоқда. Ҳодиса оқибатида 10 киши ҳалок бўлди, 50 киши яраланди.
Изоҳ (0)