Оммавий спорт мусобақалари Ўзбекистоннинг барча туман ва шаҳарларига, чекка-чекка қишлоқларигача кириб боришини таъминлаш мақсадида жорий йилнинг 15-20 октябрь кунлари «Маҳалла ва нуронийлар ҳафталиги» деб эълон қилинди. Бу ҳақда Жисмоний тарбия ва спорт вазирлиги матбуот хизмати хабар берди.
Ҳафталик доирасида футбол, баскетбол, волейбол, қўл тўпи, енгил атлетика каби спорт турлари бўйича мусобақалар ўтказилиши бошланди.
Шунингдек, «Отам, онам ва мен – спортчи оила» ва миллий кураш спорт тури бўйича анъанавий спорт ўйинлари ташкил этилиши режалаштирилган.
Нуронийлар учун эса даволаш гимнастикаси, спортча юриш, ёга бўйича машғулотлар ва бадминтон, шахмат, шашка, стол тенниси бўйича мусобақалар ўтказилмоқда.
Изоҳ (0)