Ҳабиб Нурмагомедов UFC’да қоладиган бўлди. Бу ҳақда ташкилот президенти Дэйна Уайт маълум қилди.
«Ҳабиб бироз хафа бўлди ва ғазабланди, бироқ у қолади. Биз ҳаммасини тўғирладик, ишлашда давом этамиз»,—дейди Дэйна Уайт. UFC раҳбарига кўра, Нурмагомедов билан алоқаларни сақлаб қолган. У спортчи «Ҳабиб яхши йигит» деб таъриф ҳам бериб ўтган.
Эслатиб ўтамиз, Ҳабиб Конорни ютган жангдан сўнг, октагонда жанжал юзага келганди. Ўшанда Ҳабиб жамоаси аъзоси, UFC’да жанг қилувчи Зубайра Тхугов октагонга чиқиб жанжални давом эттирганди.
Шундан сўнг Дэйна Уайт мазкур жанжалга дахлдорларнинг барчаси UFC жангларида қатнаша олмаслигини маълум қилди. Ҳабиб кейин Зубайранинг ёнини олиб, UFC билан шартномасини бекор қилишга тайёрлигини айтганди.
Изоҳ (0)