Кеча, 16 октябрь санасида Миллатлар Лигаси навбатдаги тури доирасида Гибралтар терма жамоаси ўз майдонида Лихтенштейнни қабул қилиб, 2:1 ҳисобида ғалабага эришди.
Бу Гибралтарнинг ўз тарихида қўлга киритган расмий ўйинлардаги кетма-кет иккинчи ғалабаси бўлди. Аввалроқ жамоа сафарда Арманистон устидан 0:1 ҳисобида ғалаба қозонишга муваффақ бўлганди. Маълумот учун, Арманистон билан ўйингача Гибралтар терма жамоаси ҳисобида 22 та расмий ўйин бор эди. Улар бу учрашувларда ўз дарвозасидан 107 та гол ўтказиб юборган.
Гибралтар ўз тарихида икки бор ўртоқлик ўйинида ғалаба қозонган. Улардан бири 2014 йилда Мальта (1:0) устидан қўлга киритилган бўлса, 2017 йил мартида эса Латвия (1:0) таслим этилганди.
Айни дамда D4 гуруҳида Гибралтар 6 очко билан 2-ўринни эгаллаб турибди.
Изоҳ (0)