Ўзбекистон Президенти Шавкат Мирзиёев 2019 йилнинг январь ойида Германияга расмий ташриф билан бориши кутилмоқда. Бу ҳақда Германиянинг Ўзбекистондаги элчихонаси Facebook’даги саҳифасида 10 октябрь куни нишонланган мамлакат бирлиги куни ҳақидаги хабарида маълум қилди.
Шавкат Мирзиёев расмий ташриф чоғида Германия канцлери Ангела Меркель ва президент Франк-Вальтер Штайнмайер билан музокаралар ўтказади.
Тошкентда 10 октябрь чоршанба куни ўзбекистонлик ва халқаро ҳамкорлар иштирокида Германия бирлиги куни нишонланди. Тадбирда Германиянинг Ўзбекистондаги фавқулодда ва мухтор элчиси жаноб Гюнтер Оверфельд меҳмонларга мурожаат этиб,
«... немис миллий байрами Совуқ уруш сабабли юз берган бўлиниш сал кам 30 йил олдин барҳам топганини, Шарқ ва Ғарб ўртасидаги деворнинг қулашида энг аввало Шарқий Германия фуқароларининг жасоратини эслатиб туриши лозим» эканлигини таъкидлади.
Шу йилнинг май ойида 70 дан ортиқ немис фирмалари Ўзбекистонга ташриф буюрди ва бу немис иқтисодиётининг Марказий Осиёга шу давргача келган энга катта делегациясидир.
Элчи Ўзбекистон ислоҳотлар сиёсатини давом эттириш йўлидаги чақириқларни енгишига ва шу билан бирга немис-ўзбек ҳамкорлигининг янада кенгайишига умид билдирди.
Изоҳ (0)