Ҳиндистон армияси штаби раҳбари, генерал Рават Бипин Ҳиндистон АҚШнинг санкция қўллаш таҳдидларига қарамай, мустақил сиёсат юритишини маълум қилди. Бу ҳақда «Коммерсант.ru» хабар бермоқда.
Генерал Россиядан С-400 зенит-ракета мажмуасини харид қилиш учун шартнома имзолаганидан сўнг ушбу баёнотни берган.
«Ҳа, биз мамлакатимизга қарши санкциялар жорий этилиши мумкинлигини тушунамиз, бироқ биз мустақил сиёсатга кўра иш тутамиз», — дейди Бипин.
Унинг қўшимча қилишича, Ҳиндистон келгусида Россиядан Камов вертолётлари ва бошқа ҳарбий техникаларни харид қилишни режалаштирмоқда.
Россия ва Ҳиндистон ўртасида ҳарбий техника етказиб бериш учун 5,43 миллиард долларлик шартнома имзоланган.
Изоҳ (0)