Россия президенти Владимир Путинга нисбатан ишонч рейтинги сентябрда 58 фоизга тенг бўлди, деб ёзади Meduza «Левада-марказ» сўрови натижаларига таяниб.
Таъкидланишича, ушбу кўрсаткич 2013 йилги даражага тушиб қолган, ўшанда рейтинг 55 фоизни ташкил этган.
Ўтган йил билан таққослаганда Путинга ишонч рейтинги 17 фоизга пастлаган. Бундан ташқари, президент «умуман ишончга лойиқ эмас» деб ҳисоблайдиганлар улуши 4 дан 13 фоизгача ўсган.
Путинга нисбатан ишонч рейтинги 2015 йилда энг юқори даражага етган (80 фоиз). Бу кўрсаткич 2016 йилда 74 фоиз, 2017 йилда — 75 фоизга тенг бўлган.
Изоҳ (0)