Саудиялик журналист Жамал Хашкажий Саудия Арабистонининг Истанбулдаги бош консулхонасида ўлдирилган бўлиши мумкин. Бу ҳақда Туркия президенти маслаҳатчиси Ясин Актай маълум қилди, деб ёзади «Взгляд».
«Менда уни ўлдиришгандек ҳиссиёт бор», — деди у.
Саудия Арабистони Туркия томони вакилларига «текширув учун келишга» рухсат берган.
«Аммо улар албатта жасадни йўқ қилган», — деди Актай Саудия Арабистонини кузатув камераларининг ёзувлари йўқлигини маълум қилгани учун иккиюзламачиликда айблар экан.
Анқара фикрича, Истанбулга иккита самолётда етиб келган ва айнан Хашкажий у ерда бўлган куни консулхонага кирган 15 нафар саудияликлардан иборат гуруҳ ҳодисага «шубҳасиз алоқадор».
Гуруҳга расмий шахслар кирган, улар аллақачон мамлакатни тарк этган.
Аввалроқ Туркия полицияси журналистнинг Истанбулдаги Саудия Арабистони бош консулхонасида ўлдирилганлиги версиясини кўриб чиқаётгани, аммо дипломатик ваколатхона айбловларни рад этаётгани хабар берилган эди.
Журналист 2 октябрь куни ғойиб бўлган. У консулхонага ҳужжатларни расмийлаштириш учун кирган, бироқ қаллиғини киритишмаган. Беш соатдан кейин қизга Хашкажий аллақачон бинодан чиқиб кетганини айтишган.
Изоҳ (0)