Покистонлик 52 ёшли музқаймоқ сотувчиси Муҳаммад Абдулқодир банкдаги ҳисобрақамида 2,3 миллиард рупия (тахминан 283 миллион доллар) пул борлигидан хабар топди. Бу ҳақда унга Федерал қидирув агентлигида уни сўроқ қилиш чоғида айтишди, деб ёзади TJournal.
Ҳукумат пул ювиш бўйича йирик схемани текшириш ишларини олиб борган, ушбу схемада сохта банк ҳисобварақларидан фойдаланилган. Улар паст даромад олувчи одамлар номига расмийлаштирилган 77 та ҳисобрақамни аниқлашга улгурган, улар орқали миллиардлаб рупия пул ўтказилган.
Абдулқодир банк ҳисобрақами унга тегишли эмаслигини, акс ҳолда харобаларда яшаб юрмаган бўлишини айтди. Аммо у барибир ҳисобрақамдаги пулни ололмади. Уни ҳукумат мусодара қилгани тахмин этилмоқда.
Музқаймоқ сотувчиси кунига 500 Покистон рупияси (4 долларча) ишлаб топарди, бироқ воқеадан маҳаллий аҳоли хабар топгач, улар эркакнинг устидан кулмоқда, шу сабабли у эски ишига қайта олмаяпти. Абдулқодирнинг онаси йирик сумма ҳақидаги маълумот босқинчиларни жалб қилиши мумкинлигидан хавотирланиб, ўғлига бироз вақт ишламай туришни маслаҳат берди.
Изоҳ (0)