Эрон шимолидаги Мозондарон вилоятида юз берган кучли сув тошқинлари оқибатида тўрт киши ҳалок бўлди, дея хабар бермоқда «РИА Новости».
Эроннинг Tasnim агентлиги ахборотига кўра, жума оқшомида Мозондарон ва Ғилон вилоятларида бошланган кучли ёғингарчиликдан сўнг сув тошқинлари келиб чиққан.
Табиий офат оқибатида электр таъминоти, алоқа ва транспорт қатновида узилишлар юз берган, шунингдек, бир қатор уйлар вайрон бўлиб, йўллар чўккан.
«Меҳр» агентлиги маълумотларига кўра, Мозондарон раҳбарияти шанба куни вилоят ҳудудидаги олти туманнинг барчасида мактабларни вақтинча ёпиш ҳақида кўрсатма берган.
Изоҳ (0)