Сўров: ўзбекистонлик тадбиркорларнинг аксарияти давлат хизматлари сифатидан қониқмайди

«Электрон ҳукумат» тизимини ривожлантириш маркази тадбиркорларининг давлат хизматлари сифатидан қониққанлик даражасини аниқлаш мақсадида ўтказилган сўровноманинг натижаларини эълон қилди, деб ёзади Spot.

Сўровнома иштирокчилари

Сўровномада қатнашган тадбиркорларнинг кўпчилигини (92%) эркаклар ташкил этиб, уларнинг қарийб ярмидан кўпини (53%) аҳолининг 26 ёшдан 35 ёшгача бўлган қатлами ташкил этди.

Тадбиркорларнинг 3 қисмидан зиёди ишбилармонлик фаолияти билан 5 ва ундан ортиқ йилдан буён шуғулланаётган бўлса, 15% сўровнома иштирокчилари бу йўналишда 3 йил аввал иш бошлаганликларини маълум қилган. Улар жами иштирокчиларнинг ярмидан кўпроғини ташкил этади (51%). Шу ўринда, Ўзбекистон бозорида 1 йилдан кам вақт оралиғида фаолият юритаётган «ёш» компаниялар — 22%.

Сўровнома иштирокчиларининг энг муҳим сифатларидан яна бири бу тадбиркорларнинг корхоналарида ишловчи ходимлар сони эканлигини унутмаган ҳолда, иштирокчиларининг 5 дан 4 қисми микрофирма (ходимлар сони 50 тагача бўлган фирма) эгалари ҳиссасига тўғри келади. 14% иштирокчилар якка тартибдаги тадбиркорлар бўлиб, йирик корхона эгалари сўровномада 3% иштироки билан у қадар фаоллик кўрсатмаган.

Тадбиркорликнинг давлат томонидан қўллаб-қувватланишини баҳолаш натижалари

Жавоблар у қадар қувонарли эмас. Ўртача қониққанлик даражаси 2,3 баллни ҳам ташкил қилмайди. Сўровномада иштирок этган ҳар учинчи тадбиркор давлат томонидан ҳеч қандай «ёрдам»ни ҳис қилмасликларини маълум қилган. Айнан улар энг паст баҳо қўйган иштирокчилар гуруҳидир (56%). Шу билан бирга давлатнинг қўллаб-қувватлаш сиёсатини «3» баҳога лойиқ топган сўровнома иштирокчилари ҳар 10 тадан 3 киши бўлиб, 10 таликнинг фақатгина биргина иштирокчиси ушбу сиёсат «яхши» юритилаётганлигини, 25 та иштирокчидан 1 тасигина «аъло» даражада эканлигини билдирган:

 

Тадбиркорларнинг мавжуд муаммолари

Тадбиркорлар ўзларининг профессионал фаолиятлари билан шуғулланишлари даврида Давлат солиқ қўмитасига (79%) мурожаат қилганлари ҳолда, Қўмитадан икки баробар кам маротаба маҳаллий ҳокимият органлари яъни ҳокимиятларга (40%) мурожаат қилганликларини 8-диаграммада келтирилган маълумотлардан билиб олишимиз мумкин. Рўйхат «учлигини» Давлат божхона қўмитаси якунлаб, 36% иштирокчилар айнан ушбу ташкилотга мурожаат этганликларини маълум қилган: