Беларуснинг «Камволь» корхонаси матолари Ўзбекистонда мактаб формаси тикиш учун фойдаланилиши мумкин. Бу ҳақда «Беллегпром» концерни раиси Николай Ефимчик беларуслик журналистларга маълум қилди, деб ёзади «Podrobno.uz».
«Биз ‘Камволь’ ОАЖ матолари билан мактаб формаси тикиш учун Ўзбекистон бозорига чиқиш мавзусини муҳокама қиляпмиз. Бизга маълум бўлишича, уларда ягона мактаб формасини жорий этиш ҳақида аллақачон давлат раҳбари даражасида қарор қабул қилинган… Биз уларнинг эҳтиёжларини зарур ҳажмда қондиришга тайёрмиз, бу эса ‘Камволь’ ОАЖни ривожлантириш учун яна бир қадам», — деди Николай Ефимчик.
Эслатиб ўтамиз, Ўзбекистонда 2019/2020 ўқув йилидан бошлаб мажбурий тартибда ягона мактаб формаси жорий қилинади.
Изоҳ (0)