«Ўзбекистон ҳаво йўллари» Миллий авиакомпанияси Москвага бориш ва қайтиш бўйича авиачипта харид қилган йўловчилар учун эълон жойлаштирди.
«Москвадаги аэропортнинг «Домодедово»дан «Внуково»га ўзгартирилиши туфайли ноқулайликлар юзага келганда, «Ўзбекистон ҳаво йўллари» МАК Сизга учиш санаси 2018 йилнинг 28 октябридан бошлаб Ўзбекистондан Москвага бориш ва қайтиш бўйича қатновларга олинган авиачипталарни қўшимча жарималар тўламаган ҳолда қайтариб бериш имконини беради. Ушбу қоида учиш/қўниш пунктида «Домодедово» аэропорти кўрсатилган авиачипталарнинг бутун амал қилиш муддати давомида тадбиқ этилади», — дейилади хабарда.
Авиачипталарни уларни харид қилган жойда қайтариб топшириш мумкин. Онлайн харид қилинган авиачипталар, улар харид қилинган сервис ёрдамида белгиланган тартибда қайтарилади.
«Внуково» аэропортига ўтиш бўйича барча масалалар юзасидан қуйидаги телефонлар орқали мурожаат қилиш мумкин:
Тошкентда: +998 78 140 02 00
Москвада: +7 495 298 80 66
E-mail: info@uzairways.com
«Ўзбекистон ҳаво йўллари» етказилган ноқулайликлар учун узр сўраб қолди.
Аввалроқ «Ўзбекистон ҳаво йўллари» миллий авиакомпаниясининг Москва шаҳрига бажариладиган барча қатновлари «Домодедово» аэропортидан «Внуково» аэропортига ўтказилиши хабар берилган эди.
Изоҳ (0)