Наманган гарнизонида жойлашган дала ўқув майдонларининг бирида замонавий мажмуавий тактик машғулотлар давомида мерганлар кудузги ва тунги машқларда нишонларни яксон қилиш бўйича янгича услубларда ўқ отишни қўллашди. Бу ҳақда Мудофаа вазирлиги матбуот хизмати «Дарё»га маълум қилди.
Ушбу машғулотларда ҳарбий хизматчилар жуфтлик ва учлик гуруҳларга бўлинган ҳолда мерганлик қуроллари ёрдамида тезкор ҳаракат қилиб нишонларга талофат етказди.
Ўқ отиш машқларини амалга ошириш жойида машғулот раҳбари ҳарбий хизматчиларнинг ҳаракатини назоратга олиб, отиш корректураси ва нишонлар бўйича кўрсатмалар бериб борди.
Шунингдек, тунги шароитда ҳам тактик машғулотлар ўтказилди. Тунги машғулотларда ҳарбийлар тажрибаларига таяниб, узоқ ва яқиндаги нишоннинг белгиланган қисмига жиддий талофат етказди.
Мерганларнинг гуруҳ таркибидаги бехато хатти-ҳаракатлари юқори баҳоланиб, шахсий таркибга намуна сифатида эътироф этилди.
Изоҳ (0)