Тошкент шаҳрининг Мирзо Улуғбек туманидаги аксарият ҳудудларда 3 сентябрь куни соат 9:00 дан 21:00 га қадар сув бўлмайди. Бу ҳақда туман ҳокимлиги матбуот хизмати маълум қилди.
Бунга туман ҳудудидан ўтган сув ёпқич ва насос агрегати таъмирланаётгани сабаб қилиб кўрсатилган. Ҳокимлик бунинг учун аҳолидан узр сўраган.
Сув таъминоти, жумладан, Мирзакалон Исмоилий, Тамарахоним, Қори Ниёзий, Толстой, Ирригатор мавзелари, Мустақиллик, Асака, Дархон, Мовароуннаҳр кўчаларида бўлмаслиги билдирилмоқда.
Изоҳ (0)