Ўзбекистон истеъмолчилар ҳуқуқларини ҳимоя қилиш жамиятлари федерацияси Қорақалпоғистон Республикаси, вилоятлар ҳамда Тошкент шаҳри марказий бозорларида сотилаётган (озиқ-овқат, ноозиқ овқат ва қишлоқ хўжалик) маҳсулотларнинг ўтган ҳафтадаги нархларини эълон қилди, деб ёзади ЎзА.
Мамлакат бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2018 йил 30 сентябрь ҳолатидаги нархлари
Мол гўшти
28 000 сўмдан 41 000 сўмгача
Ўзбекистон бозорларида 1 килограмм мол гўшти 28 минг сўмдан 41 минг сўмгача бўлган нархларда сотилмоқда. Энг арзон нархлар бир ойдан буён Қорақалпоғистон Республикаси Нукус шаҳар Марказий деҳқон бозорида кузатилаётган эди. Бу ҳафтада ҳам мазкур бозордаги 1 килограмм мол гўштининг нархи республикадаги бошқа бозорлардан арзон бўлса-да, бироқ 2 минг сўмга қимматлашганини кўриш мумкин. Ой мобайнида 26 000 сўмдан сотилган 1 килограмм мол гўшти ўтган ҳафтада 28 000 сўмга чиқди.
Республикада 1 килограмм мол гўшти 30 000 сўмдан 40 000 сўмгача сотилмоқда.
Қўй гўшти
28 000 сўмдан 43 000 сўмгача
Гулистон шаҳри Марказий деҳқон бозорида бир неча ҳафтадан буён қиммат нарх сақланиб келмоқда – 1 килограмм қўй гўшти 40 000 сўмдан 43 000 сўм.
Энг арзон нархларни пойтахтнинг «Қўйлиқ», «Миробод», «Чорсу», «Фарҳод» бозорларида учратиш мумкин – 1 килограмм қўй гўшти нархи 28 000 – 39 000 сўм.
Товуқ гўшти
12 000 сўмдан 20 000 сўмгача
Кузатишлар бозорларда товуқ гўштининг бироз қимматлашганини кўрсатмоқда. Айни пайтда мазкур бозордаги ушбу маҳсулотнинг нархи 13 000 – 16 000 сўм.
Энг қиммат нарх бу ҳафтада ҳам Фарғона марказий деҳқон бозорида – 17 000 – 20 000 сўм. Пойтахт бозорларида 1 килограмм товуқ гўшти ўртача 16 000 сўмдан истеъмолчиларга етказиб берилмоқда.
Гуруч
4 200 сўмдан 13 000 сўмгача
Республика бозорларида гуручни ўртача нархда 5 000-10 000 сўмгача учратиш мумкин. Бироқ, бир неча ҳафтадан буён Фарғона марказий деҳқон бозорида гуруч нархи қимматлигича қолмоқда. Масалан, ўтган ойнинг бошида ушбу бозорда 1 килограмм гуруч 5 500-12 500 сўмдан, ой ўртасида 5 000 – 15 000 сўм, ўтган ҳафтада эса 5 000 – 13 000 сўмдан сотилмоқда.
Энг арзон нарх Фарҳод деҳқон бозорида – 4 000 – 10 500 сўм.
Ўсимлик ёғи
8 000 сўмдан 12 000 сўмгача
Мамлакат бозорларида 1 килограмм ўсимлик ёғи 8 000-12 000 сўмдан сотилмоқда.
Энг арзон нархлар Термиз шаҳар Марказий деҳқон бозорида – 8 000-10 500 сўм.
Энг қиммат нархлар Бухоро шаҳар Марказий деҳқон бозорида – 11 000-12 000 сўм.
Ун
1 500 сўмдан 4 500 сўмгача
Энг арзон нарх Термиз шаҳар Марказий деҳқон бозорида кузатилди – 1 килограмм 1-навли ун 1 500 сўмдан 2 000 сўмгача.
Энг қиммат нарх Самарқанд шаҳри «Сиёб» бозорида – 4500 – 4000 сўм.
Шакар
4 100 сўмдан 5 500 сўмгача
Энг қиммат нарх Нукус шаҳар Марказий деҳқон бозорида – 5 000-5 500 сўм.
Энг арзон нарх Чорсу деҳқон бозорида – 4 100 – 4 750 сўм.
Тухум
300 сўмдан 600 сўмгача
Республиканинг аксарият бозорларида 1 дона товуқ тухуми ўртача 400-500 сўмдан сотилмоқда. Ушбу маҳсулотнинг энг арзон, ҳам энг қиммат нархини Юнусобод деҳқон бозори (Тошкент шаҳри)да учратиш мумкин – 300-600 сўм.
Картошка
1 300 сўмдан 2 500 сўмгача
Картошка мамлакат бозорларида ўртача 1500 – 2000 сўмдан сотилмоқда.
Кузатишларда Қўйлиқ деҳқон бозори (Тошкент шаҳри)да ушбу маҳсулот 1300 сўмдан 2500 сўмгача сотилаётгани маълум бўлди.
Помидор
2 500 сўмдан 9 000 сўмгача
Олдинги ҳафтада кузатилгани каби бу ҳафтада ҳам мамлакат бозорларида айни мавсум бўлишига қарамай помидор нархи қимматлигича сақланиб қолмоқда. Ўртача ушбу маҳсулот 3000-5000 сўмда сотилмоқда.
Энг арзон нарх Нукус шаҳар Марказий деҳқон бозорида – 2500 – 4000 сўм.
Энг қиммат нарх Юнусобод деҳқон бозорида – 3000 – 9000 сўм.
Изоҳ (0)