2018 йил 3 октябрь куни Ўзбекистон Матбуот ва ахборот агентлиги, Ўзбекистон Республикаси Ташқи савдо вазирлиги, Ўзбекистон Республикаси Савдо-саноат палатаси ҳамда бошқа қатор ташкилотлар ҳамкорлигида ташкил этилган ХХ «Қадоқлаш ва босма иши – O‘ZuPACK – O‘ZBEKinPRINT – O‘ZuPACK 2018» халқаро кўргазмаси ўз ишини бошлади. Бу ҳақда Ўзбекистон Матбуот ва ахборот агентлиги хабар бермоқда.
Мазкур кўргазма жорий йилда ўзининг 20 йиллигини нишонлаётгани билан ҳам алоҳида аҳамиятга эга. Тадбир тайёр қадоқ ва қадоққа белги қўйиш бўйича маҳаллий ва хорижий қадоқлаш техникаси ишлаб чиқарувчи ва етказиб берувчиларини, ишлаб чиқаришнинг бошидан охиригача бўлган жараёнлар, қадоқ, белги ва полиграфия ишлаб чиқаришдан иборат бўлган турдош ишлаб чиқаришларни бир майдонда жамлайди.
Бу йил кўргазма доираси 16 фоизга ошган бўлиб, унда жами 15 мамлакат – Австрия, Германия, Ҳиндистон, Эрон, Италия, Қозоғистон, Хитой, Корея Республикаси, АҚШ, Туркия, Франция, Россия, Ўзбекистон, Финляндия ҳамда Япониядан 66 та компания ва бренд қатнашмоқда.
Юбилей форум учун қатор йирик премьералар – полиграфия ва босма иши бозори иштирокчилари учун қизиқарли, яъни ускуналарни ишлаётган ҳолатидаги тақдимотлар ўтказилмоқда. Жумладан, Akela Group компанияси стендида унинг қуйидаги ҳамкорлари технологиялари намойиш этилмоқда.
Кўргазма 5 октябрга қадар давом этади.
Изоҳ (0)