Россиялик машҳур визажист Гоар Аветисян тошкентлик 10 ёшли Эльвиранинг даволаниши учун маблағ йиғмоқда, деб ёзади «Podrobno.uz».
«Унинг оёғини даволашган, аммо соғлиғи ёмонлашиб, чўлоқланиб қолган. МРT қилиб кўришганида 4-умуртқа ёнида шиш борлиги аниқланган. У асли Ўзбекистон, Тошкентдан. У ерда уни даволашга уринишган, турли ташхислар қўйишган, бироқ даволаниш ёрдам бермай қўйгач, шифокорлар унинг тузалишига умид йўқлигини айтиб уйига жўнатган, аммо улар таслим бўлмади ва Москвадан шифокор топди, у қизалоқни даволашга киришди», — деб ёзди у ўз Instagram’ига.
«Тўпланиши керак бўлган сумма 5 миллион рубль, мухлисларимдан ҳар бири 1 рублдан юборган тақдирда ҳам, уни бир зумда йиғишимиз мумкин. Эльвира тузалиб кетса, полиция капитани бўлишни орзу қилади. Биз қизалоққа ёрдам бера оламизми?» — деб ёзди Гоар Аветисян.
Изоҳ (0)