АҚШ президенти Дональд Трамп 1 октябрь куни Оқ Уй ҳудудидаги пушти боғда ўтказилган матбуот анжуманида ҳеч қачон спиртли ичимлик ичмагани, ҳатто пиво ҳам татиб кўрмаганини маълум қилди, деб хабар беради «ТАСС».
«Мен ичмайдиган одамман. Ростини айтсам, ҳаётим давомида бирон марта пиво ҳам ичмаганман. Бу менинг унча кўп бўлмаган яхши фазилатларимдан бири. Мен ҳатто бир бокал ҳам спиртли ичимлик ичмаганман. Ҳеч қандай муносабат билан алкоголь истеъмол қилмаганман», — дейди Трамп.
«Тасаввур қилинг, ичганимда нима бўларди? Қандай даҳшатли бўлар эдим. Дунёдаги энг ёмон инсон бўлардим. Мен ҳеч қачон ичмаганман, майлими?», — дея сўзларини давом эттиради Трамп.
Қайд этилишича, бир йил аввал Трамп ўзининг акаси Фред маслаҳат берганида ҳам, ҳеч қачон алкоголь қабул қилмаганини айтиб ўтган эди.
Фред Трамп 1981 йилда 43 ёшида вафот этган эди.
Изоҳ (0)