Қувайт сентябрда АҚШга нефть етказиб бериш ҳажмини нолгача туширди, деб ёзади «Корреспондент.net» Bloomberg маълумотларига таяниб. Бу 1992 йилдан буён биринчи марта юз берди, ўшанда Қувайт Ироқ билан ҳарбий низо туфайли нефть экспортини тўхтатган эди.
Агентлик маълумотларига кўра, Қувайт шунчаки АҚШга экспортни нефтга нисбатан юқори талабни намоён этаётган Осиёга қайта йўналтиради.
«Эронга қарши санкциялар бошқа ишлаб чиқарувчиларга Осиёга кўпроқ нефть сотиш имконини беради, у ерда нархлар АҚШга қараганда жозибалироқ», — деди Lipow Oil Associates консалтинг компанияси раҳбари Энди Липоу.
Қувайт нефти Осиёга баррелига тахминан 80 доллардан сотилмоқда, АҚШга эса 79 доллардан сотилган.
Изоҳ (0)