Американинг электромобиллар ишлаб чиқарувчи Tesla Inc. компанияси акциялари нархи 1 октябрь куни бозор очилишидан олдин савдоларда 18 фоиздан зиёдга ўсди, деб ёзади «Корреспондент.net».
Котировкалар ўсишига АҚШ Қимматли қоғозлар ва биржалар бўйича комиссияси (SEC) ҳамда компания раҳбари Илон Маск ўртасида ўтган ҳафта охирида тузилган судгача битим туртки бўлди.
16:40 ҳолатига кўра, Tesla акциялари курси 18,22 фоизга ўсиб, 313 долларни ташкил қилган. Шу тариқа, Tesla Inc. акциялари 28 сентябрь, жума кунги пасайишни «тузатди». Ўша уни SEC Маскка нисбатан иш очганини эълон қилгач, Tesla котировкалари 13,9 фоизга пасайиб, савдо кунини 264,77 доллар даражасида якунлаган эди.
Аввалроқ Tesla компанияси асосчиси Илон Маскнинг бойлиги бир кунда 1,5 миллиард долларга камайгани хабар берилган эди.
Изоҳ (0)