Тиббиёт бўйича Нобель мукофоти саратонга қарши курашнинг янги усулини ўйлаб топган икки олимга топширилади

2018 йилги тиббиёт ва физиология бўйича Нобель мукофотини Жеймс Эллисон ва Тасуку Хондзё қўлга киритди, улар иммун тизимининг салбий бошқарувини тўхтатиб қўйиш ёрдамида саратонга қарши даволаш усулини ўйлаб топди. Иккала олим ҳам ўсимтага қарши механизмлар кучайишини тўхтатиб қўювчи алоҳида оқсилларни ўрганиб чиқди, дейилади мукофот расмий сайтида.

Жеймс Эллисон назорат нуқтаси бўлган, яъни уммун жавобини босиб турувчи CTLА-4 мембрана оқсилини ўрганиш билан шуғулланган. Ушбу механизм Т-ҳужайраларнинг организмнинг ўзига тегишли бўлган ҳужайраларга ҳужуми олдини олади. Олим CTLА-4 ни антителалар ёрдамида пассивлаштириш усулини топди, бу Т-лимфоцитларга шишга қарши курашиш имконини беради.

Тасуку Хондзё иммун тизимининг салбий бошқарилишида ва Т-лимфоцитларнинг фаоллиги олдини олишда рол ўйнайдиган бошқа PD1 мембрана оқсилини тадқиқ қилди. Ушбу олимларнинг ишлари туфайли, иммун назорат нуқталарини тўхтатиб қўйиш деб номланувчи тамомила янги саратон терапиясини ишлаб чиқишга муваффақ бўлинди.

Нобель мукофоти расман 2018 йил 10 декабрь куни Швеция қироли Карл XVI Густав томонидан топширилади.