Эрон ҳарбийлари Сурияда Фрот дарёсининг шарқий қирғоғида Ахваз теракти ташкилотчилари ва уларнинг объектларига ракета зарбаси берди. Бу ҳақда Tengrinews хабар бермоқда.
«Ислом инқилоби қўриқчилари корпуси» ҳаво-коинот дивизияси томонидан берилган ракета зарбаси натижасида кўплаб террорчилар йўқ қилинди, жароҳатланганлар ҳам бор.
Эроннинг Аҳваз шаҳрида ҳарбий парад чоғида содир этилган теракт оқибатида 20 нафардан ортиқ киши ҳалок бўлган, 60 дан ошиқ одам яраланганди.
Саудия Арабистони билан алоқалари бўлган «Аҳваздаги ватанпарвар араб демократик ҳаракати» бунинг учун жавобгарликни зиммасига олгани иддао қилинади.
Изоҳ (0)