Ўзбекистон Республикаси Президентининг 2018 йил 11 сентябрдаги қарорига асосан эндиликда, Мажбурий ижро бюроси ҳузуридаги «Электрон онлайн-аукцион савдоларни ташкил этиш маркази» ДУК томонидан электрон онлайн-аукцион савдоларида бўш турган давлат мулк объектлари, ер участкалари инвестиция ва ижтимоий мажбуриятларини белгилаган ҳолда сотилмоқда. Бу ҳақда ЎзА хабар бермоқда.
Айтиш керакки, Республиканинг туман ва шаҳар ҳокимликлари томонидан 1268 та бўш ер участкалари, 320 миллион 116 минг сўм инвестиция киритиш, 3098 та янги иш ўринларини яратиш шарти билан 3 миллион 429 минг сўм миқдорда аукцион савдоларига чиқарилди.
Бугунги кунга қадар «E-IJRO AUKSION« электрон онлайн-аукцион савдоларида 23 та бўш ер участкалари 54 миллион сўм инвестиция киритиш, 430 дан ортиқ янги иш ўринларини яратиш шарти билан 171 миллион 300 сўмга сотилди.
Ҳозирда «E-IJRO AUKSION« электрон онлайн-аукцион савдоларида 1245 та бўш ер участкалари 3 миллион 300 минг сўм миқдордаги аукцион савдоларига чиқарилган бўлиб тадбиркор ва инвесторлар ўзларига маъқул бўлган ер участкаларини онлайн-аукцион савдоларида қатнашиб сотиб олиш имкониятлари мавжуд.
Бўлиб ўтган аукцион савдоларда тадбиркорлар ўзларига маъқул бўлган ер участкаларида қатнашиб, ғолиб бўлишга эришмоқда.
Изоҳ (0)