Президент фармонига биноан чегарадош мамлакатлар, хусусан, Афғонистон билан савдо-иқтисодий ва транспорт-логистика алоқаларини янада ривожлантириш мақсадида «Термиз» эркин иқтисодий зонаси ташкил этилди. Бу ҳақда «Халқ сўзи» хабар бермоқда.
Сурхондарё вилояти ҳокими вазифасини бажарувчи Баҳодир Пўлатов мазкур лойиҳа истиқболини таъминлаш юзасидан «Термиз» эркин иқтисодий зонаси дирекцияси раҳбарияти — «Surxon Global Trаde» МЧЖ вакиллари билан учрашди.
Учрашувда уч минг гектар ер майдонига эга «Термиз» иқтисодий зонасида маҳаллий хом ашё ва материаллар асосида рақобатдош тайёр маҳсулот ва бутловчи буюмлар ишлаб чиқариш, энг замонавий технологияларни олиб келиб ўрнатиш, янги иш ўринларини яратиш, шунингдек, инвестицияларни кенг жалб этиш, ҳудудда муҳандислик-коммуникация, йўл-транспорт ва ижтимоий инфратузилмани яратиш билан боғлиқ масалалар атрофлича муҳокама этилди.
Изоҳ (0)