25 сентябрь куни тадбиркор О.А. Зангиота туман ИИБга ўғирлик ҳолати юзасидан ариза билан мурожаат қилди. Бу ҳақда «Дарё»га Тошкент вилояти ИИБ матбуот хизмати хабар берди.
У ўз аризасида жорий йил 24 сентябрь куни «Бек Барака» савдо мажмуасида савдо-сотиқ билан шуғулланиб турган пайтда икки нафар номаълум шахс гўёки харидор сифатида ўзини тутиб, чалғиганлигидан фойдаланиб, дўкони кассасидан 600 минг сўмни ўғирлаб, ҳодиса жойидан яширинганлигини маълум қилган.
Олиб борилган тезкор чора-тадбирлар давомида ушбу жиноятни 1999 йилда туғилган Ш.Қ. ва муқаддам бир неча маротаба судланган, 1998 йилда туғилган М.О. содир этганликлари аниқланиб, ушланган.
Зангиота туман ИИБ ҳузуридаги тергов бўлими томонидан Ш.Қ. ва М.О. қўлга олиниб, уларга нисбатан жиноят иши қўзғатилган.
Изоҳ (0)