Жорий йилнинг 26 сентябрь куни Швейцариянинг Женева шаҳрида Халқаро Стандартлаштириш ташкилоти (ISO) бош ассамблеясининг 41-йиғлиши ўз ишини бошлади. Бу ҳақда «Ўзстандарт» агентлиги «Дарё»га хабар берди.
Йиғилиш олдидан 25 сентябрь куни Ўзбекистонда халқаро стандартларни жорий этиш, ISO ташкилоти техник қўмиталари ва Ўзбекистондаги мавжуд техник қўмиталар фаолиятини тубдан яхшилаш, экспортбоп-рақобатбардош маҳсулотларни ишлаб чиқаришда ва ички бозорга сифатсиз маҳсулотларнинг кириб келиши олдини олиш, самарали халқаро ҳамкорлик муносабатларини ўрнатиш масалалари юзасидан ISO ташкилоти бош котиби Серхио Муика, бош котиб ўринбосари Николас Флери ва «Ўзстандарт» агентлиги бош директори Дилшод Сатторов, Халқаро муносабатлар бошқармаси бошлиғи А.Орифбоев, Ўзбекистоннинг Швейцариядаги доимий вакили У.Лапасов иштирокида учрашув бўлиб ўтди.
26—28 сентябрь кунлари ўтказилаётган Бош Ассамблея йиғилишда 165 дан ортиқ мамлакатларнинг стандартлаштириш идоралари раҳбалари ва экспертлари иштирок этади.
Ушбу тадбирда ISO ташкилотининг турли техник қўмиталари фаолияти, ривожланаётган давлатларнинг стандартлаштириш тизимини сифат жиҳатдан янгилаш механизмлари, стандартлаштириш соҳасига оид турли хил мавзуларда сессиялар ва бир қатор учрашувлар бўлиб ўтиши кутилмоқда.
Изоҳ (0)