«Мурувват текс» Тошкентдаги «Қоратош» трикотаж фабрикасини аукционга қўйди, деб ёзади Spot E-ijro Auksion маълумотларига таяниб.
Фабрика Тошкент шаҳар, Шайхонтоҳур туманида жойлашган бўлиб 2 қаватдан иборат, 23 хона ва ертўла ҳам мавжуд.
Бино 2005 йилда қурилган бўлиб, газ, сувга эга.
Ер участкасининг умумий майдони — 0,58 га, бинонинг умумий майдони — 2 318 квадрат метр.
Бинонинг қурилиш ости майдони — 0,124 га.
Аукцион 26 октябрь куни бўлиб ўтади, аризалар 24 октябргача қабул қилинади.
Баҳоланган нарх 12 миллиард сўм, закалат пули эса 633 миллион сўмни ташкил этади.
Изоҳ (0)