Ўзбекистон стандартлаштириш, метрология ва сертификатлаштириш агентлиги бош директори Дилшод Сатторов Facebook‘да расмий саҳифасини очди. Бу ҳақда агентлик матбуот хизмати хабар бермоқда.
«Расмий саҳифамга хуш келибсиз! Ҳурматли дўстлар, мен сизларни мамлакатимиз ва дунё миқёсида «Ўзстандарт» агентлиги тизимидаги долзарб мавзулар, янгиликлар, маълумотлар ҳамда иш фаолиятимиз билан боғлиқ жараёнлардан ижтимоий тармоқ ёрдамида кенг оммани хабардор қилиб боришни мақсад қилдим.
Шу билан бирга, Сизнинг фикрингиз, таклиф ва мулоҳазаларингиз мен учун жудаям муҳим. Сизлар билан тезкор ва тўғридан-тўғри мулоқот қилишдан бағоятда мамнунман», — дейилади агентлик бош директорининг биринчи постида.
Ушбу саҳифа орқали «Ўзстандарт» агентлиги бош директори Дилшод Сатторовга талаб ва таклифларни юбориш мумкин.
Ушбу саҳифани юритишдан мақсад аҳоли ва тадбиркорларда ўз фаолиятларида учраётган муаммоларга ечим топиш ҳамда улар билан яқиндан ҳамкорлик ўрнатишдир.
Изоҳ (0)