NASA камёб атмосфера ҳодисасини — тунги ёритгичлар ёки мезосфера булутлари сифатида маълум бўлган кумушранг булутларни тасвирга олди. Бу ҳақда «РИА Новости» хабар берди.
NASA’нинг ПМC Турбо миссияси июль ойида беш кун давомида бўлиб ўтган. Швециядаги Эсрейнж ракета полигонидан улкан ҳаво шари юқори аниқликдаги еттита камера билан мезосферага кўтарилган. Якунда олти миллионта сурат олинган.
Тадқиқотчиларнинг умид қилишича, олинган маълумот уларга Ер атмосферасининг юқори қисми тузилишини об-ҳавони яхшироқ прогноз қилиш мақсадида ўрганишда ёрдам беради.
Кумушранг булутлар мезосферадаги энг баланд осмон тузилмалари бўлиб, 70—95 километр баландликда юзага келади. Уларнинг шаклланиши учун кўп миқдордаги сув буғи, жуда паст ҳаво ҳарорати, кичкина чанг бўлаклари керак бўлади.
Изоҳ (0)