2018 йил 21 сентябрь куни Сурхондарё вилояти, Денов туманидаги «Чорсу» савдо мажмуасида қотиллик содир этилди. Бу ҳақда Бош прокуратура матбуот хизмати маълум қилди.
Шу куни соат 11:30 ларда Денов шаҳри, Э.Ғозиев кўчасида яшовчи, 1989 йилда туғилган Ж.А. турмуш ўртоғи, 1989 йилда туғилган З.Д. билан савдо мажмуасида рашк туфайли ўзаро жанжаллашиб, пичоқ билан унинг қорин қисмига уриб, қасддан ўлдирган.
Мазкур ҳолат юзасидан туман прокуратураси томонидан Ж.А.га нисбатан Жиноят кодексининг 97-моддаси, 1-қисми билан жиноят иши қўзғатилиб, тергов ҳаракатлари ўтказилмоқда.
Изоҳ (0)