Наманган шаҳридаги илк «Автомобилсиз кун» давомида транспорт оқими одатдагидан тахминан 40 фоизга кам бўлди. Бу ҳақда «Дарё»га вилоят ИИББ ЙҲХБ матбуот хизмати маълум қилди.
Матбуот хизматига кўра, акциядан аввал ОАВ ва ижтимоий тармоқлар орқали берилган билдирувлар бунда муҳим рол ўйнади. Шунингдек, шаҳарнинг марказий кўчаларида акцияга оид баннер ва шиорлар ўрнатилди.
— Акция куни машинамни уйга ташлаб, ишга пиёда кетдим. Ишдан кейинги шахсий юмушларимни бажариш учун ҳам яёв юрдим. Ўзимни бардам, тетик ҳис қилдим, машиналар кам бўлгани учун шаҳар ҳавоси ҳам одатдагидан тозароқ туюлди, — дейди Наманган шаҳридаги 24-мактаб ўқитувчиси Равшанбек Юсупов.
Маълумот учун, Наманган шаҳрида бугунги кунда 30 мингдан ошиқ транспорт воситаси рўйхатга олинган.
Изоҳ (0)