Бу ҳақда «Ўзбекистон совғалари» биринчи республика кўргазма-савдосининг тантанали очилиш маросимида сўзга чиққан Савдо-саноат палатаси раиси Адҳам Икромов маълум қилди, дея хабар беради ЎзА.
Унинг айтишича, Ўзбекистонда ҳунармандлар учун яратилган имкониятлар ўз натижасини бермоқда.
Жорий йилнинг 13—15 июль кунлари АҚШнинг Нью-Мексико штатидаги Санта-Фе шаҳрида ўтказилган «Халқ санъати халқаро бозори» бўлиб ўтди. Унда Ўзбекистон 24 ҳунарманддан иборат делегация билан иштирок этди.
Тадбирда 50 та давлатдан 150 нафар ҳунарманд қатнашди. Ўзбекистон ушбу йирик бозорда умумий ҳисобда энг кўп маҳсулот сотган мамлакат бўлди. Халқаро бозорнинг ўзидаёқ сотилган товарлар миқдори 450 минг АҚШ долларидан ортиқни ташкил этди.
Изоҳ (0)