20 сентябрь куни Бухоро вилоятининг Қоракўл туманида яшовчи Н.С. йирик миқдордаги фирибгарлик ҳолати юзасидан ИИБга мурожаат қилди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Унга кўра, ўтган йил октябрь ойидан 2018 йил апрель ойигача бўлган вақт оралиғида ўзини «Акрамова Мавлуда» деб таништирган номаълум аёл Туркиядан катта миқдорда товар келганлиги, уларни олиб сотганидан сўнг тушган фойдани бўлишишини айтиб, 152 миллион сўм олади. Гаров тариқасида М.Акрамовага тегишли бўлган уйнинг кадастр ҳужжатларини бериб, ваъдасини бажаришни хаёлига ҳам келтирмайди.
Кўрилган чоралар натижасида ушбу жиноятни Бухоро шаҳрида яшовчи муқаддам судланган Н.Ҳ. исмли аёл содир этганлиги аниқланиб, ушланди.
Ҳолат юзасидан жиноят иши қўзғатилган. Тергов ҳаракатлари олиб борилмоқда.
Изоҳ (0)