Тошкент шаҳрининг Шайхонтоҳур туманида 20 сентябрь куни номаълум шахс Янги Белтепа даҳасида эшиклари очиқ ҳолда қаровсиз қолдирилган А.У.га тегишли Matiz русумли автомашинани ҳайдаб қочган. Бу ҳақда ИИВ Жамоатчилик ва оммавий ахборот воситалари билан алоқалар бошқармаси матбуот хизмати хабар берди.
Кўрилган чоралар натижасида автомашина Мирзо Улуғбек туманидаги Мирзо Улуғбек ва Шукур Бурхонов кўчалари чорраҳасида ушланиб, ушбу жиноятни Шайхонтоҳур туманида яшовчи муқаддам судланган О.А. содир этганлиги аниқланган.Тергов жараёнида ушбу шахс шу йил 15 сентябрь куни Юнусобод туманида Юнус ота кўчасида эшиклари очиқ ҳолда қаровсиз қолдирилган Ҳ.А.га тегишли Lacetti автомашинасини ҳам ҳайдаб қочганлиги маълум бўлди. Олиб борилган қидирув ишлари натижасида автомашина Сергели туманида жойлашган автомашина бозори ҳудудидан техник соз ҳолда топилиб эгасига қайтарилган. Ҳолат юзасидан жиноят иши қўзғатилган. Тергов давом этмоқда.
Изоҳ (0)