Тутқунликда яшовчи энг кекса дельфин Германиянинг Ньюрнберг шаҳри ҳайвонот боғида вафот этди. Бу ҳақда «Корреспондент.net» хабар берди.
Дельфин 58 ёшда бўлган, у умрининг 48 йилини Ньюрнберг ҳайвонот боғида ўтказган. Ҳайвон 16 сентябрь куни вафот этган.
Моби лақабли дельфин афалин туридан бўлган ва 50 ёшигача ҳайвонот боғида яшовчи барча дельфинларга етакчилик қилган. Ўз ҳаёти давомида у 13 та дельфиннинг отаси бўлган. Улар айни пайтда Голландия, Испания, Португалия ва бошқа Европа давлатлари ҳайвонот боғларида яшамоқда.
Моби 16 сентябрь куни эрталабки овқатланишга сузиб келмаган. Мутахассислар дельфинга нима бўлганини тушуниш учун ундан таҳлил олган. Бироқ ҳайвон бир неча соат аввал вафот этган эди.
Изоҳ (0)