Британия геология хизмати ва Шотландиядаги Данди университети олимлари тахминан 1,5 минг йил аввал Шетландия оролларига ёпирилган улкан тўлқинлар изларини аниқлади, деб ёзади «Известия».
Олимлар Шетландия оролларидаги турли ҳудудлардан олинган тоғ жинслари намуналарини таҳлил қилди. Уларда 7 см қалинликдаги қум қатлами устидаги ундан ҳам қалинроқ (35 см) қора торф қатлами аниқланди. Ушбу қатламлар деярли бир зумда шаклланган, бу эса улкан тўлқин билан изоҳланади.
Янги кашфиёт ёрдамида олимлар катта кўламли цунами ва ер ўпирилишлари ҳар 100 минг йилда бир мартадан кўпроқ содир бўлиши мумкинлиги ва улар доим ҳам музлик даврлари билан боғлиқ бўлмаслиги ҳақидаги хулосага келди.
Изоҳ (0)